تسيير قهوة ولا مطعم ماشي غير أنك تفتح الباب وتستنى الزبناء يجيّو. النجاح فهاد الميدان كيتطلب شخصية ديال القائد، تنظيم، صبر، ومعرفة بكيفاش تتعامل مع الناس. الجيران الحقيقي ماشي غير مسيّر، ولكن هو روح المكان.
1. خدم على الخدمة قبل الربح
إلى ركزتي غير على الفلوس، غادي تخسر الكلين.
ركز على الجودة، النظافة، وحسن الاستقبال… الربح غادي يجي بوحدو.
2. عامل الطاقم ديالك باحترام
الموظفين السعداء كيخدمو مزيان.
كون قائد ماشي غير Boss. سمع ليهم، علمهم، وشجعهم.
3. الزبون راه الملك
الزبون ماشي غير واحد كيدفع، هو اللي كيبني السمعة ديالك.
ابتسامة، احترام، وسرعة الخدمة كتدير فرق كبير.
4. راقب المصاريف
جيران ناجح خاصو يعرف يدخل ويخرج الفلوس.
التبذير كيطيّح مشاريع كبار.
5. دير innovation
بدل المينيو، دير أفكار جديدة، عروض، ديكور مختلف…
الناس كيبغيو الجديد.
6. تعلم تحل المشاكل بهدوء
كل نهار غادي يكون مشكل:
زبون معصب، موظف تغيب، نقص فالسلعة…
الجيران القوي هو اللي كيبقى calm ويحل المشاكل.
7. خدم على السمعة ديالك
فالمطاعم reputation هي كلشي.
Review وحدة خايبة تقدر تضر، ووحدة زوينة تقدر تجيب عشرات الزبناء.
8. كون حاضر فالميدان
ماشي غير تبقى فالمكتب.
دور فالقاعة، شوف الخدمة، عيش التفاصيل.
9. خدم بعقلية طويلة المدى
ما تفكرش غير فربح اليوم.
فكر كيفاش المشروع يبقى ناجح سنوات.
خاتمة
Gerant الناجح ماشي اللي عندو قهوة كبيرة، ولكن اللي عارف يسير الناس، الجودة، والخدمة باحتراف.
ALIreb