سوق الشغل فمجال المطاعم فالمغرب كبير ومتنوع. ملي كتدخل لمنصة بحال (Restaurations Jobs) باش تقلب على خدمة، غاتلقى عروض مختلفة بزاف. باش تعرف تختار البلاصة اللي غاتناسب المهارات ديالك، خاصك تفهم الفرق بين أنواع المطاعم والـ "Classes" ديالها.
كل نوع عندو قوانينو، طريقة السيرفيس ديالو، وحتى "التبقشيش" (Pourboire) كيختلف! أجي نكتشفو هاد الأنواع:
1. المطاعم السريعة والعادية (Restauration Rapide & 2ème Classe) هاد الصنف كيشمل السناكات، البيتزيريات، والمقاهي والمطاعم الشعبية (Brasseries).
-
طبيعة الخدمة: الإيقاع كيكون سريع بزاف (Rythme rapide). الزبون باغي ياكل بالزربة ويمشي.
-
المهارات المطلوبة: السرعة، الخفة، والقدرة على الوقوف لساعات طوال. ما كتحتاجش خبرة كبيرة أو لغات أجنبية (الدارجة والفرنسية الأساسية كافيين).
-
لمن كتصلح؟ ممتازة للشباب اللي يلاه باغين يبداو الكاريير ديالهم وياخدو أول تجربة فالدومين.
2. المطاعم من الدرجة الأولى (Restaurants de 1ère Classe / Casual Dining) هنا كنهضرو على المطاعم المقادة، اللي كتقدم أطباق مغربية أو عالمية بتقديم زوين (Présentation)، وكيكون فيها ديكور كلاس وجو هادئ.
-
طبيعة الخدمة: السيرفيس هنا كيكون منظم (Service à table). الزبون كياخد وقتو، وخاصك تعطيه الخاطر وتشرح ليه الـ Menu.
-
المهارات المطلوبة: خاصك تكون نقي فلبستك (Présentation soignée)، كتعرف تتعامل بآداب، وعندك فرنسية مزيانة. خاصك تكون ضابط أصول السيرفيس (كيفاش تحط الطبسيل وكيفاش تهزو).
-
لمن كتصلح؟ للناس اللي عندهم تجربة متوسطة، وباغين يطورو راسهم ويبنيو علاقات مع كليان نقي.
3. المطاعم الفاخرة والراقية (Haut de Gamme / Gastronomique) هادا هو "التشامبيونز ليغ" ديال المطاعم! كنهضرو على المطاعم اللي فالفنادق 5 نجوم (Palaces) بحال اللي فمراكش والرباط، والمطاعم العالمية اللي كتقلب على الكمال فكل تفصيلة.
-
طبيعة الخدمة: خدمة ملكية. الغلط هنا ممنوع. كلشي محسوب: من طريقة صبان الكاس، لدرجة حرارة الماكل، لطريقة الكلام مع الزبون (Vouvouement).
-
المهارات المطلوبة: احترافية تامة. ضروري تكون كتهضر الفرنسية والإنجليزية بطلاقة. خصك تكون قاري على الدومين (Diplôme en Hôtellerie/Restauration) وعندك ثقافة عامة على الأطباق العالمية والمشروبات.
-
لمن كتصلح؟ للمحترفين (Chefs de Rang, Maîtres d'Hôtel) اللي باغين صالير طالع، "تبقشيش" خيالي، وكاريير عالمية.
خلاصة: ماكاينش نوع حسن من نوع، كاين غير نوع "كيناسبك دابا". بدا منين ما قديتي، جمع الخبرة، وطور اللغات ديالك باش تدرج فالسلم وتوصل للـ Haut de Gamme. قاد الـ CV ديالك ودفع دابا فالعروض اللي تناسبك!
